Гішпанія-2015. Пачатак.

У блогаўскае жыццё толькі паспела зазірнуць, і тут жа з'ехала ў сонечную і смачную Гішпанію. Калі вам будуць цікавыя мае аповеды пра гэтую краіну і жыццё ў ёй не ў якасці турыста, то - запрашаю!

А вы калі-небудзь бачылі закат над Альпамі?! Тут на фота мой самы шчаслівы момант гэтага году! 

Частка 1. Як яно так выйшла.

Рознае бывае жыццё ў чалавека - то ідзеш сабе па жыцці прыпяваючы, то раптам наступае чорная паласа, а ў ёй - самы змрочны чорны дзень. Ці ноч... І ўсё, здаецца, разбіваецца ў тваім жыцці, і не бачна свету наперадзе...

Мне ў такую хвіліну на дапамогу прыйшоў УКантакт. Я пераглядала навіны фрэнд-стужкі і мае вочы трапілі на аб'яву "Тэрмінова расшукваецца жанчына з дзіцем год 5 для сумеснага адпачынку ў Гішпаніі на месяц-два". Я ніколі ў жыцці не прымала такіх хуткіх і неабдуманных рашэнняў, але ў той момант гэта было не маё рашэнне. Гэта быў моцны ўдар Лёсу палкай па галаве чалавеку-агностыку. І я прыняла гэтую прапанову - я зраблю ўсё, буду эканоміць, і паеду ў Гішпанію! Вядома, мнавіта з гэтай думкай я і паснула ў тую страшную ноч.

Сябры мае! Выбіраеце сабе ў фрэнды сапраўды блізкіх вам па духу людзей, не бойцеся адкідваць тых, з кім вы адчуваеце сябе недобра, і тады сац.сеткі сапраўды стануць вам памочнікамі па жыцці, як апынулася са мной. Бо апроч гэтай аб'явы, менавіта дзякуючы сябрам па сац.сеткам, я змагла сабраць неверагодна вялікую для мяне суму для падцверджання фінансвавай незалежнасці для атрымання візы. Цуды існуюць! Іх трэба навучыцца для сябе арганізоўваць ))

Вярнулася!!! Запрашаю на гарбату!

Я вярнулася да цябе, маё блогаўскае жыццё і абяцаю больш не пакідаць цябе, бложык, так на доўга больш ніколі! B маіх чытачоў, якія, спадзяюся, вярнуцца да мяне,  а калі і не - то буду пісаць для сябе ))

У маім жыцці быў цяжкі перыяд, і натхненне з уседлівасю таксама мяне пакінулі. А бягучы год будзе не лягчэйшым... І я адчула, што мне няма куды перанакіраваць думкі, адцягнуць увагу. Таму зараз я ўзяла сябе ў рукі, а дакладней - нагадала рукам іх першае прызначэнне ў маім жыцці - і накірую сваю волю на ...

Яшчэ не ведаю... І вязаць хочацца, і скура, СКУРА, да якой я іду-іду.... і ніяк на вазьму яе ў ахапку. А яшчэ я стала вандроўнічаць, а справаздач пакуль нідзе не пісала. Так што будзе чым развеяць публіку )) Для інтрыгі толькі паведамлю, што была ў Індыі, і гэта было не ГОА, а Пенджаб - штат сікхаў.

А пакуль запрашаю на гарбату!

Посуд звязаны даўным-даўно для Вольгі Гарчычка, якая не толькі дзіцячы фатограф, але і выдатны кулінар!

Унізе яшчэ фоткі ))

Мая зімняя шапка з хвастом / My winter hat with tail

Так як зараз у мяне рукадзельны крызіс, то пакажу хаця б сваю зімнюю шапку.

Вязала яе год 10 назад па часопісе "Журнал мод. Шапочки на любой сезон" № 440, спецвыпуск. Часопіс гэты знаходзіцца і зараз у маёй хатняй бібліятэцы, мадэлі вельмі ўдалыя, яшчэ што-небудзь свяжу абавязкова. Яшчэ адной вясенняй з гэтага нумару пахвастаюся пазней.

Некалькі разоў мяне прасілі яе паўтарыць на заказ, але я не пагадзілася, і нават не казала, адкуль брала мадэль, бо баялася сустрэць клонаў ))))))) І ўсе кампліменты было толькі мае! 

Я яе абажаю!

Тры навагоднія шапкі / 3 New Year hats

У 2013 годзе мела шчасце пазнаёміцца з яшчэ адным дзіцячым фатографам з г. Ліда Ірынай Івуць. Для навагодняга праэкту былі мною звязаны 3 шапачкі - снегавічок, калпачок і елачны шарык.

Мой першы майстар-класс / My first master-class

Я ступіла на новы этап у рукадзельным майстэрству - правяла свой першы МК! Не, ну, і вучыла, і МК праводзіла і раней, але гэта былі мае знаёмыя рукадзельніцы і на маёй тэрыторыі. А тут... Ага, было страшна. Але ў выніку ўсё выйшла выдатна! Зараз аб усім па-парадку...

Антыкафэ "Жывы час", якое зусім нядаўна адчынілася ў нашым горадзе, запрасіла мяне на правядзенне МК на рукадзельную тэматыку. Былі выбраны мая любімая мадэль сняжынкі і елачка, якая адначасова і простая сама па сабе, але і навучае прыбаўкам і ўбаўкам, калі хто не ўмее. Сабралося нас усяго 12 чалавек - цёплая і ўтульная кампанія, некаторыя з дзяўчат ужо ўмелі выдатна вязаць, іншыя ж не маглі прачытаць нават простую схему. Вынікам нашай сустрэчы паслужыла не толькі кампанія рознакаліберных сняжынак і  елачак, але і новыя ўменні і навыкі, якія набылі маладыя вязальшчыцы - больш за ўсё я радавалася таму факту, што змагла растлумачыць важнасць умення разумець вязальныя схемы.

Вязаная гаржэтка / knitted scarf

Для сваёй мамы, якой, магчыма, ніколі ў жыцці нічога не вязала (ну, не цэніць яна вязанне і сама ніколі не вязала), вырашыла ўсёт-кі адарыць яе нечым самаробным. І, як не дзіўна, ёй спадабаўся мой шалік, бо, па маёй традыцыі, я чалавек практычны: вось і ў гэтый гаржэтцы зліліся цеплыня ад шаліку і ўпрыгожванне ад перламутравых нітак благароднага тону. Ну, а кветачка-брошка выдатна завершыла камплект.

Мама адразу апранула падарунак і з гонарам распавядала ўсім, што гэта яе дачка такое сама зрабіла! Ах ты божа ж мой, дачакалася я за 29-гадовы вопыт вязання прызнання ад яе )))))))

Ніткі "Камтэкс" SELENA 180г/100м, тонкая воўна 35%, п/э 35%, акрыл 30%.

 

Мужчынскі шалік / men's scarf

Класічная мадэль мужчынскага шаліку з двухбаковым узорам. Дастаткова доўгі і вельмі цёплы, воўна 100%, але вельмі мяккая, вельмі рэкамендую! ("Камтэкс" - "Аргенцінская воўна" 100г/200м)

Для любімага фатографа / for a favorite photographer

Для самага-самага любімага фатографа Вольгі Гарчычка ў сувязі з нараджэннем у яе другой дачушкі мае для іх падарункі: для фотасэсій і звычайнага жыцця (так-так, гэта я пра кароны для ўсёй сям’і)!

Усё разам.

Пад катам дэталі:

Бірузовая ільняная торба / Turquoise linen bag

Падарунак на Народзіны для маёй сястры, у яе любімых бірузовых танах.

Асабіста я такія адценні блакітнага на дух не пераношу, і магу нават прытомнасць згубіць, на яго гледзячы, што са мной ледзь не здарылася, пакуль я была ў вязальным працэсе. А вось сястра, толькі кінуўшы вока на торбу, усклікнула: "О, гэта ж арызонская мята!" (ці якая там) і дужа абрадавалася практычнаму падарунку пад свой гардэроб, ды яшчэ і біжутэрыі ў камплект.

Падкладку сястра-партніха прапанавала зробіць самой.

Ніткі - 100% лён "Камтэкс", вязала ў 2 ніці. Пайшло роўна 300 г. Замаўляла сабе нешта адно са спісу ў зямельна-тэракотава-балотных танах, а прыйшло гэта (( Зараз у роздумах, што б для сябе прыдумаць, каб з колерам не прамахнуцца. На вязанае валянне гляджу ))

Вязаны палантын / knitted newborn wrap

Лёгкі, як летні ветрык, цёплы, як, маміны абдымкі...
Палантын для фотасэсій у гарадзенскага фатографа Вольгі Гарчычкі. Уяўляе сабой шалік, прыкладным памерам 100*50 см, якім вельмі зручна абгортываць дзіцятка.

У камплект  можа ісці шапачка і мінімалістычная кветачка.

Падарожжа і вязанне / hike and knitting

Мы з мужам аддаем перавагу актыўнаму адпачынку, прысвечанаму, як правіла, нацыянальна-гістарычнаму характару - па загадзя спланаванаму маршруту, перачытаўшы навуковую літаратуру мы наведваем старыя сядзібы, могілкі, парки, палацы. Нават першы раз паехаўшы з мужам на Крым, я ні разу не трапіла на пляж і ні разу не акунулася ў мора.

У гэтым годзе мы кампаніяй з 4-х чалавек шукалі цікавыя для нас гістарычныя куточкі на шляху ад Ваўкавыску да Свіслачы, што ў Гарадзенскай вобласці. А якім чынам усе гэтыя мае апісанні датычацца да рукадзельнага блогу?! А толькі тым, што за сваё кароткае падарожжа я паспела звязаць 2 пары пінетак - я даставала свае спіцы на кожным прывале!

Ну вось  - мужчыны, якія дома ступаюць на кухню толькі дзеля спажывання жонкай прыгатаванага, у лесе бяруць гэтую справу ў свае рукі, і як тут не расслабіцца і не павязаць?!

Бірузовы купальнік, вязаны кручком / Crochet turquoise swimsuit

Каб па выпадковаму збегу абставін тыдзень назад я не затрымалася на вакзале станцыі слаўнага гораду Барысава на 3 гадзіны, і па той жа выпадковасці не мела запаснога варыянту вязання (першы варыянт пакажу праз тыдзень), то вязаўся б гэты купальнік мо і 2 гады, а мо і ніколі б не скончыўся. А так - роўна 12 месяцаў. Перавязваўся несканчаемую колькасць разоў.

Купальнік для вельмі добрай сяброўцы Наташы, яна сама выбірала колер і прапанавала металічную ўстаўку з бірузой са свайго старога камплекту біжутэрыі. Калі праца нарэшце была скончаная і адфатаграфавана, я засталася задаволеная сваёй такой пакутніцкай працай.

Паедуць яны, Наташа з бірузой, у Барселону. А сяброўка ж халастая, трэба ёй мужа гэтым купальнікам наваражыць!!! Можа хоць у гэтым годзе фота з мора дачакаюся, бо мой леташні чорны, што ездзіў у Чарнагорыю, так і не паказаўся на пляжу.

Пакунак / pack

Сёння пакажу упакоўку для сваіх прац - мяшэчкі, візітоўкі і цэтлікі. Ільняныя зялёныя мяшэчкі рознага памеру нашыла ўжо даўно. А вось візітоўкі і цэтлікі ў мяне з’явіліся толькі што - гэта быў падарунак для мяне на Народзіны ад выдавецкага дому "Молпрэс", у якім працуе мой сябра. Усё ў адным стылі - пад блог, і цяпер я такая шчаслівая )))))))

Зімні камплект з пампонамі / winter complete with pompons

Паспела!!! Паспела зімні камплект з шапкі, шаліка і рукавічак, вязаны на заказ, скончыць і ўручыць падчас зімняга надвор’я. Снег у нас яшчэ ляжыць, можна і паваляцца ў ім, і нават перыядычна пасыпае ім. Магчыма, на гэтым тыдні ўжо пачнецца сапраўдныя цёплая вясна. Але калі зіма вырашыць затрымацца яшчэ натрошачку (што мяне не можа не радаваць, але не трэба ў мяне за гэта кідаць камяні - ну, зімняя я дама, што тут зробіш), так вось калі мая варажба падзейнічае і надалей, то ўладарніца камплекту зможа яго адразу ж і выгуляць.

Ніткі Felice "Wool" 80% воўна + 20% акрыл (Турцыя) 100г/300м, вязала ў 2 ніці. Ніткі вельмі мяккія і цёплыя, пры вязанні ніякага намёку на сінтэтыку, так што і насіцца будзе добра. Ідэя камплекту з "Дропсу", шапка "Робін", але вязаны ў адваротным парадку.

Вялікі дзякуй мадэлі-суседцы, да натуральных рыжых валосоў якой так добра пасаваў камплект ))

Пад катам шмат фота ))

Тры пытанні да майстрыхі / 3 questions to craftswomen

                  

Гуляе па Інтэрнэце зараз гульня такая. Можна яе назваць і лістом шчасця, і сектай, і пірамідай, і ўзнагародай. Ні ў чым з вышэй пералічанага ніколі не ўдзельнічала - не маё; але атрымаўшы запрашэнне ад Людмілы, шчыра ўзрадавалася. Тым больш, што ўжо даўно выношваю ў галаве іншы праэкт, таксама падгледжаны ў блогах - "100 фактаў пра сябе". Ужо падбіраю фота і тэмы, спадзяюся да канца году паспець.

Вось арыгінальны малюнак заснавальніцы гульні. Я сябе атаясамляю з сучаснасцю, таму замяніла.

Пытанні ад Людмілы:

1. Что вас подтолкнуло к созданию блога?
2. Покупаете ли вы товары ручной работы? Если да, то где?
3. Самый любимый рукодельный материал (пряжа, ткань, кожа, металл, шерсть, стекло....)?

 Цікава?

Пінеткі ў букетах / baby's bootees in bouquets

Каб не гэты заказ ад атэлье аўтарскай фларыстыкі ARTIFLORI, ніколі б сама не здагадался так выкарыстоўваць свае пінетачкі. Ва ўсім, што мяне акаляе, паважаю прастату і лаканічнасць формы і колеру. Вельмі прыемна сустракаць аднадумцаў у наш час, калі стракатасць і надмернасць выклікае больш пазітыўных эмоцый і рэзанансу сярод гледачоў. Ну, ладна...

Усе фота прадстаўлены салонам - адчуйце асалоду ад прагляду. Перайдзіце па спасылцы і атрымайце эстэтычнае задавальненне ад кампазіцый і букетаў.

Вязаныя гальштукі / crochet bow-tie

Апошні піск моды для стылёвых мужчын і жанчын.
Моднs аксэсуар - вязаны гальштук-матылёк.
І не імітацыя, а сапраўдны, завязваецца ))

Фота заказчыцы

Вязала на заказ шмат, з розных нітак і ўзораў. Усе сфатаграфаваць не ўдалось, але пад катам усё-роўна шмат фота )

Шапачкі з кветкамі для малышкі / Hats with flowers for baby

Шапачкі для маленькай дзяўчынкі Эвелінкі для фотасесіі ў Вольгі Гарчычкі.Каралавая звязана з "Ліліі" Сямёнаўскай у 4 ніці, крыжападобны наборны край - у 12 (вельмі спадабаўся, буду часцей выкарыстоўваць!). Кветкі зменныя, на магнітах.

Белая трошкі на выраст, на дыяметр 42 см. Кветка вывязана па спіралі, наступным разам буду яшчэ шчыльней абароты выкладаць. Мадэль мне спадабалася - не заезжаная, можа і сабе паспею да вясны )) Ніткі - "Вясенняя" Пехорка.

Шапка і снуд з тоўстых нітак / hat & cowl of thick yarn

Ніткі ALIZE Big Bang - самыя тоўстыя, з якімі я працавала, і, здаецца, і самыя тоўстыя фабрычныя на сённяшні дзень, іх усяго 22 м на 100 г! Арыгінальнае пляценне ланцужком і пераходы колераў пры вязанні набываюць магічны выгляд, пры якім немагчыма распазнаць узор. Вязала спіцамі №20, кручком №15.

  Калі зацікавіла  - унізе шмат фота ))

Плед з пампоннай пражы і кокан / babys blanket from pompon yarn & pod

Самы мяккі плед - для самых маленькіх мякенькіх салодкіх дзетак )) Прыгожа выглядаюць абодва яго бакі - як з пампонамі, так і з касічкамі.

Вязаць яго было поўнай асалодай, асабліва калі ён стаў вялікім, і ўвесь гэты пух ляжаў на маіх каленях, складаючы канкурэнцыю сыну і котцы. Ніткі - ALIZE "Marifetli", на памер 110*130 пайшло 6 маткоў і палову "Джынса" на абвязку. Каралеўскі колер ідэальна падыходзіць і дзяўчынкам, і хлопчыкам. Кокан махеравы, мякенькі-мякенькі, выдатны атрыбут для фотасесіі.

Гэтае фота Вольгі Гарчычкі стала фотаздымкам дня на сайце дзіцячых фатографаў  infano.com.ua.
Пад катам шмат яе прыгожых фота

Першы выйгрыш - Францішак для Францішка / My first win - Francišak for Francišak

Першы дзень 2013 года ў нашай сям’і быў адзначаны вельмі радасным і такім чаканым падарункам - я першы раз у жыцці выйграла рукадзельны падарунак-цукерачку! Думаю, тут спрацавала магія імёнаў - гэты мядзведзік носіць такое ж імя, як і мой сын, яны абодва Францішкі!

З творчасцю Юліі Прашковіч я ўжо была знаёмая праз сваіх блогерскіх сябровак. Юля шые і валяе зверанят і аксэсуары. Нядаўна яна праводзіла розыгрыш - разыгрывала свайго мядзведзіка Францішка. Мой сын, які з мяккімі цацкамі як сапраўдны мужчына не гуляе ніяк, на свайго цёзку адрэагаваў на дзіва радасна. Магчыма, гэта тлумачыцца тым, што да сустрэчы з гэтым мілым, мяккім і разумным, ён бачыў Францішкаў толькі старых, афіцыйных, ды яшчэ і памерлых. Так што - зламалі стэрэатып )) У сына нават з’явіўся рытуальны танец пад назвай "Мы выйгралі мядзведзіка", які нам прыйшлося цэлымі днямі вытанцоўваць, толькі не пытайце, як ))))

Пад катам - як мы пасылку атрымоўвалі і пазіравалі

Вязаны шлем / knited helmet

З надыходзячым Новым Годам! Новых творчых поспехаў і самарэалізацыі! Загадвайце жаданні, пішыце планы, распавядайце пра гэта ўсім  - і ўсё здзейсніцца!

У 2012 годзе я з Францішкам упершыню трапіла на фотасесію да Вольгі Гарчычка, і гэта аказалася сапраўднай казкай!

На гэтым фота мой сын у шапцы-шлеме, якую я звязала да яго Народзінаў, ён яе вельмі любіць, ганарыцца мамінай працай, і ўсім пра гэта распавядае, калі незнаёмыя цётачкі ў краме кранаюць яго за аграменныя пунпончыкі )) Шапка цёплая - звязана з 2-ой ніці і на флісавай падкладцы.

Шапачка-коцік і пінеткі для фотасесіі / knitted hat and baby's bootees

Камплект з шапачкі-коціка і пінетачак быз звязаны спецыяльна для фотасесіі ў Вольгі Гарчычка для мілага хлопчыка Цімошкі. Такі ў яго засяроджаны погляд, як у прафесійнай мадэлі! І шчочкі пухленькія, але ў меру. І вочкі такія разумныя! Маміна і татава радасць )) Адчуваецца, што гадуецца ў любові і цеплыні! З мамай Наталляй, на жаль, так і не паспелі пазнаёміцца асабіста, але было мне дужа-дужа прыемна размаўляць з ёй па тэлефоне, перапісывацца, абмяркоўваць дэталі - ветлівая, добразычлівая, ураўнаважаная і вельмі пазітыўная спадарыня! Шчасця гэтай прыгожай сям’і!

Шапулю, пакуль вязала, прымярала на свайго ўжо дарослага сына, і думала пра тое, што і Цімошка будзе насіць камплект доўга, таму і атрымаўся на выраст. Ну, практычная я )))) З флісавай падкладкай.

Пад катам фота з дэталямі.

Майткі пад купальнік / Panties

У далёкім 2005 адна мая сяброўка Надзя выходзіла замуж за добрага чалавека, але з Канараў )). На вяселле падарункі прасіла лёгкія па вазе, бо пераязджала туды жыць, а рэчаў з сабой на самалёт шмат не возьмеш. Мяне, як рукадзельніцу, вельмі прасіла звязаць ёй купальнік, бо сама яна - чыстай вады праграміст, ну, яшчэ і выдатная піяністка, я вам скажу )) Я звязала блакітны раздзельны купальнік - яна ў ім мядовы месяц правяла на пляжу, ну, і пра яго я ўжо і забылася...

А тут нядаўна Надзя мне паведамляе, што так і носіць мой купальнік! Праз 7 год!!! І дзе - на КАНАРАХ!!!!! У мяне слёзы выступілі на вачах... І  вырашыла я працягнуць жыццё гэтага рарытэту і пад стары блакітны верх звязаць новыя трусы, ужо з сучаснай эластычнай стрэйчавай ніці. І нават знайшла дома маленечкі клубочак тых блакітных, з якіх зрабіла вышыўку, каб гарманавалі.

Фота мадэлі на Канарах пад пальмамі чакала-чакала, ды, мабыць, і там не сезон на плаванне... Таму - пакуль на манекене.

Рукавіца-напіўніца / Mitt for a beer

Існуе такая група людзей, хто п’е піва ў вялікім аб’ёме не залежна ад часу сутак, дня тыдня і пары году. Напраўду, узімку піва імі спажываецца не ў меншай колькасці за лета. Але з’яўляюцца некаторыя нязручнасці: калі піць халоднае - гэта працэс прыемны, аднак трымаць ледзяную бутэльку ці бляшанку ў руках вялікага камфорту не дастаўляе. Для такіх выпадкаў мною быў распрацаваны спецыяльны гаджэт - рукавіца-напіўніца з падвойнымі сценкамі.

Выдатны падарунак для каханых мужчынаў (і не толькі) на навагоднія святы )) 

Насценны скураны гадзіннік / Leather clock

Мая любімая скура... Як мала я з ёю працую... Так захапілася вязаннем, а вольных гадзін у сутках так мала...

І вось - такая функыянальная рэч, ды яшчэ і аздабленне інтэр’еру. Рама гадзінніку - дуб. Фон сабраны са шматлікіх простакутнікаў, абцягнутых скурай. Вельмі прыгожа падабраліся адценні карычневага, давольна вынікам ))

Сустрэча беларускіх рукадзельніц / Meeting of Belarusian craftswomen

На мінулыя выходныя я ездзіла ў Менск і сустракалася там са сваімі новымі сяброўкамі-калежанкамі па рукадзеллю, якія вядуць свае блогі па-беларуску. Але так ужо выйшла, што адначасова сустрэцца нам усім у той дзень не атрымалася з-за ўсеагульнай занятасці...

Спачатку была цудоўная дзіцячая кавярня з прысмакамі і Жанай! А затым адразу ж з Вольгай і з неменшай колькасцю салодкага ))) Дзяўчаты, вы такія прыемныя дамы!!! І такія розныя ў плане вядзення дыялогаў - з Жанай я па-большасці выступала ў ролі слухачкі, а з Вольгай у мяне сківіца забалела))) Ёсць у нас і яшчэ адна калежанка - Марыя, няхай зайздросціць і плануе наступную сходку, а мы ўсе пад яё падладзімся, бо Марыя болей за ўсіх нас працуе і, адпаведна, прадае, чаму і нас, спадзяемся, навучыць))

Жана прапанавала распачаць працу над адным вельмі цікавым праэктам, які аб’яднае беларускіх рукадзельніц дзеля папулярызацыі і павышэння продажаў нацыянальных тавараў. Як добра, што ўсе мы сустрэліся на прасторах Інтэрнэту і пазнаёміліся! Зычу нам усім натхнення і рэалізацыі планаў! Мы ўсе робім вялікую справу дзеля любімай Беларусі!

А яшчэ я атрымала падарунак ад Вольгі - нататнік!!! Даўно сачу за творчасцю аўтаркі, захапляюся яе майстэрствам і акурантнасцю! Нядаўна Вольга праводзіла розыгрыш цукеркі з прызам-нататнікам, і мне так хацелася яго выіграць!!! Але... І вось зараз я трымаю яго ў руках і ўсё яшчэ сумняваюся, ці запісываць мне ў яго свае меркантыльныя планы, ці яшэ падумаць...Які ж ён акуратны і стылёвы! Мой сябра, убачыўшы сплецены ўручную каптал, адразу прапанаваў працу ў сваёй тыпаграфіі! Вось фота ))

Міценкі на нагу

Вой-вой, ледзь не забылася!!! У тую ж самую Чарнагорыю разам з купальнікам і сарафанам вязаліся ў камплект такія мілыя ўпрыгожванні на нагу, альбо - міценкі. Чорныя цалкам паўтараюць малюнак з купальніку  і выглядалі цэльным камплектам на пляжы. Белыя з адвольным малюнкам ))